Конкурс иғлан ителә

Ул CIOFF® 2020 билдәһе менән бергә файҙаланыласаҡ. Был хаҡта социаль селтәрҙәге сәхифәһендә республика Башлығы хәбәр итте.

“Футбол буйынса донъя чемпионатында Бүре-Забиваканы хәтерләйһегеҙме? Беҙҙең дә шундай сағыу, үҙенсәлекле һәм донъяның төрлө мөйөштәренән килгән күп һанлы ҡунаҡтар күрәсәк геройыбыҙ буласаҡ. Был – бик яуаплы мәсьәлә, сөнки был билдә менән беҙҙең Башҡортостанды күҙ алдына килтерәсәктәр. Аҙаҡ та фольклориада символының үҙебеҙҙә лайыҡлы дауамын уйлап сығарасаҡбыҙ”, – тип яҙҙы Радий Хәбиров.

Ижади эштәр 31 мартҡа тиклем ҡабул ителәсәк. Еңеүсене рәсми рәүештә 18 июлдә Өфөлә үтәсәк VI Бөтә донъя фольклориадаһын асыу тантанаһына саҡырасаҡтар.

Конкурста ҡатнашыусылар географияһы сикләнмәй. Үҙебеҙҙең авторҙарҙан заявкалар күберәк булһа, яҡшыраҡ булыр ине, әлбиттә, тип билдәләй Башҡортостан Башлығы.

Был үҙенсәлекле конкурсҡа эштәрҙе [email protected] электрон адресына ебәрергә кәрәк. Бынан тыш, аннотациялар ҙа тапшырылырға тейеш.