Башҡортостанда ауыл туризмын үҫтереү мөмкинлектәре юғары

Был турала Мәскәү белгестәре Өфөлә старт алған «Муниципалитеттар – үҫеш биләмәләре» форумында билдәләне.

Сара Республика Башлығы Грантына уҙғарылды. «Төбәктең муниципаль берәмектәр Советы» Ассоциацияһы проекты гражданлыҡ йәмғиәтен үҫтереүгә йүнәлтелгән. Ауыл биләмәләре башлыҡтары составы былтыр сентябрҙә үткән һайлауҙа яңырыу кисергәйне, был вазифаға тәғәйенләнгән йәш көстәр исемлегендә ике йөҙҙән ашыу белгес. Форумда улар өсөн асыҡ лекциялар, дискуссия майҙансыҡтары ойошторолдо.

Илгиз Ҡәҙерғолов, Башҡортостан Башлығы ҡарамағындағы дәүләт хеҙмәте һәм идара итеү академияһы ректоры: “Белгестәр саҡырҙыҡ Мәскәүҙән, Киров ҡалаһынан, Ырымбурҙан. Милли проекттар, урындағы башланғыстарҙы яҡлау программаһы, партия проекттары хаҡында һөйләйбеҙ. Осрашыуҙың маҡсаты – ауыл хакимиәте башлыҡтарын уҡытыу”.

Зыя Латипов Благовар районы Яныш ауылы хакимиәте башлығы: “Мин Благовар районы Яныш ауылы хакимиәте башлығы булып тәғәйенләнгәнсе, мал табибы булып эшләйгәйнем. Шуға күрә был эш миңә ятыраҡ, Өфөләге уҡыу – алдағы эшемә ҙур этәргес булып торор тип ышанам”.

Форумдың Мәғариф майҙансығында халыҡтың йәшәү кимәлен күтәреүгә йүнәлтелгән проекттар ҡаралды. Урындағы үҙидаралыҡ – яуаплы власть органы, ауыл хакимиәте башлыҡтарының эше көсөргәнешле, көндәлек бурыстар ҙа күп, шул уҡ ваҡытта ресурстар сикле. Халыҡҡа асыҡ булыу, киләсәкте күҙаллай белеү мөһим. Сара сиктәрендә алдынғы тәжрибәләргә таянып биләмәләрҙең комплекслы үҫешенә тәҡдимдәр әҙерләү ҡаралды.

#нацпроекты

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59