2 апрелдән Башҡортостан мәктәптәре алыҫтан тороп уҡыуға күсә

2 апрелдән Башҡортостан мәктәптәре алыҫтан тороп уҡый башлай. Ошо хаҡта Башҡортостан Республикаһы хөкүмәтендәге кәңәшмәлә мәғариф һәм фән министры Айбулат Хажин белдерҙе.

2 апрелдән Башҡортостан мәктәптәре алыҫтан тороп уҡый башлай. Ошо хаҡта Башҡортостан Республикаһы хөкүмәтендәге кәңәшмәлә мәғариф һәм фән министры Айбулат Хажин белдерҙе.

«23 марттан 1 апрелгә тиклем мәктәптәрҙә каникулдар була. 2 апрелдән мәктәптәр алыҫтан тороп уҡыуға күсә. 1 апрелгә тиклем республиканың барлыҡ дөйөм белем биреү ойошмалары йөҙ процентҡа дистанцион уҡытыуға күсергә әҙер булырға тейеш», — тип билдәләне министр.

Федераль Мәғариф һәм фән министрлығы тәҡдиме буйынса дәрестәр 30 минутҡа тиклем ҡыҫҡартыла.

24 марттан 1 апрелгә хәтлем уҡытыусылар алыҫтан тороп уҡытыу нигеҙҙәрен өйрәнә. Дистанцион уҡыуға күсеү буйынса ҡыҙыу бәйләнеш: +7 (347) 292-11-52.

Бөгөнгә республиканың бөтә 96 колледжы алыҫтан тороп уҡыуға күсте. Юғары уҡыу йорттары ла 16-18 марттан дистанцион уҡыуҙа.

Республика Башлығы Радий Хәбиров 2 апрелдән уҡый башларға кәрәклегенә баҫым яһаны.

«Балаларыбыҙҙың каникулы — 2 апрелгә тиклем. Уларҙың күңеле төшмәһен, эш менән булһындар, уҡыһындар. Алыҫтан тороп уҡытыуҙы ойоштороу өсөн Мәғариф министрлығына үҙенең иң яҡшы ижади сифаттарын күрһәтергә кәрәк. Был — ҡатмарлы бурыс, бығаса булмаған хәл. Технологик яҡтан да әҙер түгелбеҙ, уйларға кәрәк: бөтә ерҙә лә интернет бар тип әйтеп булмай. Ҡайҙалыр интернет бар, оҫталыҡ юҡ. Бер аҙна ваҡыт бар, коллегаларығыҙҙың иң яҡшы тәжрибәләрен өйрәнегеҙ. Әҙерләнегеҙ, 2 апрелдән алыҫтан тороп уҡыу башлана», — тине Радий Хәбиров.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59