Сығарылыш класс уҡыусылары өсөн

Бөгөн республикалағы сығарылыш класс уҡыусылары өсөн Төп дәүләт һәм Берҙәм дәүләт имтихандарына әҙерләнеү буйынса арауыҡта консультациялар булды. Уларҙа 10 211 уҡыусы ҡатнашты.

Тарих буйынса БДИ-ға әҙерлек консультацияһын БДУ-ның Тарих институтындағы халыҡ-ара хоҡуҡ һәм халыҡ-ара мөнәсәбәттәр кафедраһы доценты, тарих фәндәре кандидаты Оксана Новикова, физиканан – БДУ-ның Физик-техник институты директорының ғилми эш буйынса урынбаҫары, теоретик физика кафедраһы доценты, физика-математика фәндәре кандидаты Фәрит Закирйәнов үткәрҙе.

Математика буйынса ТДИ-ға әҙерләнеү сараһын юғары категориялы уҡытыусы Ольга Фомина, рус теленән – педагог-тикшеренеүсе Лилиә Ғәлимова һәм юғары категориялы уҡытыусы Наталия Борихина уҙғарҙы.

Онлайн-консультацияла эксперттар аныҡ имтихан буйынса һорауҙарҙы тикшерҙе, башҡарылған эште баһалау, балл ҡуйыу үҙенсәлектәрен аңлатты һәм уҡыусыларҙан чатҡа килгән һорауҙарға яуап бирҙе.