+4 °С
Ясна
Антитеррор
Бөтә яңылыҡтар
Яңылыҡтар
14 Май 2020, 15:45

Хөкүмәт ипотека проценттарын өлөшләтә ҡаплаясаҡ!

Республика Хөкүмәте торлаҡ кредиттары буйынса проценттарҙы өлөшләтә ҡаплауҙа балалы ғаиләләргә һәм сәләмәтлеге буйынса мөмкинлектәре сикләнгән кешеләргә финанс ярҙамы күрһәтәсәк. 6 майҙа республика Хөкүмәте ҡабул иткән түбәндәге ҡарарҙа ошо хаҡта әйтелә.

Республика Хөкүмәте торлаҡ кредиттары буйынса проценттарҙы өлөшләтә ҡаплауҙа балалы ғаиләләргә һәм сәләмәтлеге буйынса мөмкинлектәре сикләнгән кешеләргә финанс ярҙамы күрһәтәсәк. 6 майҙа республика Хөкүмәте ҡабул иткән түбәндәге ҡарарҙа ошо хаҡта әйтелә.
Уға ярашлы, 2018 – 2020 йылдарҙа граждандар Рәсәй кредит ойошмаларынан алған торлаҡ (ипотека) кредиты (займы) проценттарын өлөшләтә ҡаплау өсөн республика бюджетынан өҫтәмә субсидиялар биреүҙең тәртибен раҫланған. Сарала ҡатнашҡан бер кешегә бирелгән субсидияның күләме 100 мең һумдан артмаҫҡа тейеш.
– 2018 йылдың 1 ғинуарынан 2020 йылдың 31 декабренә тиклем айырым категория граждандарына Башҡортостан Республикаһы бюджетынан ипотека займы буйынса процент түләүҙәренең өлөшөн ҡаплауға кредит буйынса процент ставкаһынан өс процент күләмендәге субсидия ҡаралған, – тип белдерҙе республиканың Төҙөлөш һәм архитектура буйынса дәүләт комитеты етәксеһе Марат Әхмәҙуллин. – Субсидияларҙы биреү ваҡыты – 2020 йылдың 1 апреленән 2020 йылдың 31 декабренә тиклем.
Түбәндәге категория граждандары финанс ярҙамын алыу хоҡуғына эйә: өс һәм унан күберәк балаһы булған; инвалид йәки инвалид-балаһы булған ғаилә ағзалары; балаһын (балаларын) тапҡан һәм никахтан тыш тәрбиәләгән, әгәр баланың атаһы теркәлмәһә; ата-әсәнең берәүһе үлгән осраҡта икенсеһенең яңғыҙы тәрбиәләгән йәки береһе хәбәрһеҙ юғалған осраҡта; шулай уҡ 2020 йылдың 15 мартынан 2020 йылдың 1 июненә тиклем төп эш урынын юғалтҡан һәм кредит ойошмаһына ғариза яҙғанда эшкә урынлашмаған граждандар. Тағы шуны өҫтәп әйтергә кәрәк: тәртипкә ярашлы, бала тип 18 йәшкә тиклемге йәки мәғариф учреждениеларының көндөҙгө бүлегендә белем алған 23 йәшкә тиклемгеләр һанала.
Субсидияларҙы алыу өсөн документтарҙы тапшырыу һәм был сарала ҡатнашыу өсөн мәғлүмәт алыу мәсьәләһе буйынса кредит ойошмаларына мөрәжәғәт итергә кәрәк. Артабан кредит ойошмалары Башҡортостан Республикаһының Торлаҡ программаларын тормошҡа ашырыу буйынса идаралыҡ менән берлектәге ғәмәл тураһында килешеү төҙөй. Килешеүҙәрҙе ошо ҡарар раҫланған мәлдән ике ай эсендә төҙөргә мөмкин.
Кредит ойошмалары менән килешеү төҙөгән һайын идаралыҡ интернет селтәрендәге рәсми сайтында (https://zhilprog.bashkortostan.ru/) мәғлүмәт урынлаштырып барасаҡ. Белешмәләр өсөн телефондар:+7(347) 218-17-49, +7(347)218-17-42, +7(347) 218-17-43, +7(347) 218-17-45.
Читайте нас: