Районда быға тиклем ундай комплекс булмаған. Бассейн 25-әр метрлы дүрт йөҙөү һыҙатынан тора. Тәрәнлеге – 1,80 м. Һыуҙы заманса таҙартыу ҡоролмалары менән йыһазландырылған. Бында шулай уҡ 45х25 метрлы спорт залы, душ, гардероб, регистратура, медицина кабинеты, буфет һәм административ бүлмәләр бар. Бинаның дөйөм майҙаны - 3087,4 кв.м.
Әлшәй районының хакимиәт башлығы Дамир Мостафин әйтеүенсә, әлегә комплекс спорт менән шөғөлләнергә теләүселәрҙе ҡабул итмәй, коронавирус инфекцияһы ҡурҡынысы бөткәс тә бассейн асыласаҡ.