-15 °С
Болотло
Антитеррор
Бөтә яңылыҡтар
Новости
21 Май 2020, 11:05

Янғантауҙа балалар баҡсаһы төҙөлә

Салауат районының Янғантау ауылында “Демография” милли проекты сиктәрендә ике йәштән ете йәшкә тиклемге балалар өсөн 190 урынлыҡ балалар баҡсаһы төҙөлә. Төҙөлөштөң заказсыһы – “БР Капиталь төҙөлөш" идаралығы, подрядсы бурыстарын “Лидер-групп” йәмғиәте үҙ иңенә алған.

Салауат районының Янғантау ауылында “Демография” милли проекты сиктәрендә ике йәштән ете йәшкә тиклемге балалар өсөн 190 урынлыҡ балалар баҡсаһы төҙөлә. Төҙөлөштөң заказсыһы – “БР Капиталь төҙөлөш" идаралығы, подрядсы бурыстарын “Лидер-групп” йәмғиәте үҙ иңенә алған.
Төҙөлөш ағымдағы йылдың 20 мартында башланған. Төҙөүселәр мөһим объектты 31 декабргә тапшырырға күҙаллай. Дөйөм майҙаны 3500 квадрат метр тәшкил иткән учреждение алты төркөмгә иҫәпләнгән.
Проектҡа ярашлы, учреждениела балаларҙың үҫеше өсөн бар шарттар булдырыласаҡ: медицина кабинеты, музыка һәм спорт залдары, методик кабинеттар, төркөмдәр өсөн иркен бүлмәләр. Саф һауала балалар рәхәтләнеп ял итһен өсөн ихатала хәүефһеҙлек талаптарына яуап биргән спорт ҡоролмалары, бәүелсәктәр, таусыҡтар, ҡом менән уйнау урындары һ.б. урынлаштырыласаҡ.
Әлеге ваҡытта төҙөлөштә эш тейешле шарттарҙа бара, коронавирус инфекцияһының таралыуына юл ҡуймау маҡсатында профилактик саралар күҙәтелә.
- Төҙөлөш материалдары етерлек, төҙөүселәр - эш урындарында, объектты ваҡытында тапшырасаҡбыҙ, - ти “Лидер-групп” йәмғиәтенең генераль директоры Рөстәм Ғәйнетдинов.
Читайте нас в