Дауахана төҙөлөшө тамамланды

Кәмендә ярты быуат хеҙмәт итәсәк коронавируслы сирлеләр өсөн тәғәйенләнгән заманса медицина комплексы рекордлы ваҡыт эсендә сафҡа инде. Эштәрҙең юғары тиҙлектә алып барылыуына ҡарамаҫтан сифат яғы аҡһамаған.

Кәмендә ярты быуат хеҙмәт итәсәк коронавируслы сирлеләр өсөн тәғәйенләнгән заманса медицина комплексы рекордлы ваҡыт эсендә сафҡа инде. Эштәрҙең юғары тиҙлектә алып барылыуына ҡарамаҫтан сифат яғы аҡһамаған.

Медицина хеҙмәткәрҙәре ятаҡта йәшәйәсәк. Был торлаҡ коронавирус менән ауырыусыларҙы дауалау өсөн махсус төҙөлгән үҙәк эргәһендә урынлашҡан. 46 урынға иҫәпләнгән корпустарҙа барлыҡ шарттар ҙа тыуҙырылған.

Ашығыс рәүештә дауахана төҙөүгә коронавирус пандемияһы сәбәпсе булған. Үҙәк бер юлы 470 пацентты ҡабул итеүгә һәләтле. Уларҙың һәр береһенә юғары квалификациялы медицина ярҙамы күрһәтеләсәк. Бынан тыш, дауаханала ауыр сирлеләр өсөн бокслы 100 палата һәм 18 реанимация ҡаралған.

Дауахананың бар бүлексәләре лә автономлы елләтеү системаһы менән йыһазландырылған. Бер ҡатлы корпустар ҡош осошо бейеклегенән ҡурай сәскәһен хәтерләтә. Биналарға килгәндә, ул йоҡа стеналы еңел тимер ҡоролмалар технологияһы буйынса күтәрелгән. Күләмле төҙөлөш ҡатмарлы иҡтисади шарттарҙа республиканың күп кенә предприятиеларын бөлгөнлөктән аралаған.

Әһәмиәтле объектты рекордлы ваҡыт эсендә сафҡа индереү өсөн төҙөүселәр тәүлек әйләнәһенә эшләгән. Ә инде дауахана тәүге пациенттарын киләһе аҙна башында ҡабул итә башлар тип көтөлә. Ә уға тиклем бар ҡорамалдарҙы ла урынлаштырып бөтөү ҡаралған.

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59