-20 °С
Болотло
Антитеррор
Бөтә яңылыҡтар
Новости
26 Сентябрь 2020, 16:55

Шишмәләр, Еҙем йылғаһы яры төҙөкләндерелә

Ғафури районындағы “Юлыҡ” урындағы йәмәғәт ойошмаһы Башҡортостан Республикаһы Башлығы грантына лайыҡ булғайны. Был аҡсаға улар ауылдағы шишмәләрҙе, Еҙем йылғаһы ярын төҙөкләндерә.

Ғафури районындағы “Юлыҡ” урындағы йәмәғәт ойошмаһы Башҡортостан Республикаһы Башлығы грантына лайыҡ булғайны. Был аҡсаға улар ауылдағы шишмәләрҙе, Еҙем йылғаһы ярын төҙөкләндерә.
Тәү сиратта юлыҡтар Мағаш шишмәһен тәртипкә килтерҙе, биләмәне сүп-сарҙан таҙартты. Улаҡҡа һыу мулыраҡ йыйылһын, яуым-төшөм эләкмәһен өсөн шишмә башланған ергә ҡулсалар урынлаштырҙы.
Төҙөкләндереү эштәре шулай уҡ Май шишмәһендә лә тамамланып килә. Ауылдағы ир-егеттәр шишмә башына бәләкәй ҡапҡа яһаған, һыу ятҡылығының тирә-яғын ҡоймалап, ағас ултыртҡандар. Эш бер-ике көндән ахырына еткерелер, тип күҙаллайҙар.
Ауылдың биҙәге – Еҙем йылғаһы буйында ла эш гөрләй. Яр буйын ҡороған ағастарҙан, сүп-сарҙан таҙарттылар. Бушап ҡалған ергә тиҙҙән йәш үҫентеләр ултыртыласаҡ. Яҡын киләсәктә Еҙем яры йыуылмаһын өсөн гидротехник эштәргә лә тотонорға ниәтләйҙәр.
Фото: bash.news
Читайте нас в