Берҙәмлектә көсөбөҙ

Был байрам Ватаныбыҙҙың данлы тарихына ихтирам һәм хөрмәт, яҡты киләсәгенә ышаныс символы. Уртаҡ уй-маҡсаттар илебеҙ бөтөнлөгө, үҙаллылығы һағына күтәрелгән күп милләтле Рәсәй халҡын һәр ваҡыт берләштергән, ауыр саҡтарҙа йәшәүгә көс-дәрт биргән, үҫешкә этәргес булған.
Бөгөн тик бергә һәм берҙәм булғанда ғына иҡтисадыбыҙ үҫешәсәк, етештереү артасаҡ һәм социаль мәсьәләләр хәл ителәсәк, тимәк, Тыуған илебеҙ ҙә көслө буласаҡ һәм сәскә атасаҡ. Райондаштарҙың татыулығы, берҙәмлеге, ижади хеҙмәт энергияһы тыныс һәм имен тормош булдырып, Ғафури районының һәм дәүләтебеҙҙең үҫешенә булышлыҡ итә.
Байрам уңайынан һеҙгә һәм ғаиләләрегеҙгә һаулыҡ, бәхет теләйем. Һәр берегеҙҙең хеҙмәте уртаҡ йортобоҙ – Рәсәйҙә изгелектә, именлектә һәм тыныслыҡта йәшәүгә булышлыҡ итһен!
Фәнзил СЫҢҒЫҘОВ,
Муниципаль район хакимиәте башлығы.