Өфөлә коронавирустан вакцинациялау башланды

Өфөлә Ҡыуатов исемендәге республика клиник дауаханаһы хеҙмәткәрҙәрен вакцинациялау башланған. Был турала дауахананың баш табибы Шамил Булатов Инстаграмдағы сәхифәһендә яҙған.

Уның әйтеүенсә, тәү сиратта сирҙе йоҡтороу хәүефе булғандар прививкалана. Улар ҡабул итеү-диагностика, дауалау һәм консультация биреү бүлексәләре. Һәр береһендә вакцинация алдынан хеҙмәткәрҙәр медицина тикшереүе үтә, йоғошло һәм хроник сирҙәрҙең билдәләре булырға тейеш түгел, шулай уҡ антиесемдәргә анализдар алына.

Препараттың икенсе компоненты менән вакцинациялау ағымдағы йыл аҙаҡтарына планлаштырылған. Баш табип әйтеүенсә, прививка эшләткән кешегә сир йоҡҡан хәлдә лә ул ауыр эҙемтәләрһеҙ үтәсәк.