Бейеү байрамы үтте

Оҙайлы ял көндәренең һәр көнө төрлө матур сараларға бай булды. Бөгөн дә - 9 ғинуарҙа халыҡ бейеүҙәре көнөнә арнап бейеү флешмобы үтте.

Красноусолдың М.Ғафури майҙанына урынлаштырылған сәхнәгә район мәҙәниәт һарайы бейеүселәре - Илшат Хәбибуллин, Ольга Кирдеева, Замир Тайсин күтәрелеү менән бала-саға ғына түгел, өлкәндәр ҙә сәхнә янына йыйылды. Улар бейеүселәргә ҡушылып, төрлө халыҡ бейеүҙәрен бейене. Байрамға килеүселәр уйындар уйнап, матур бүләктәр ҙә отто.