“Күңелем ынйылары”

Ул 1942 йылдың 6 ғинуарында Башҡортостандың географик үҙәге булған ауылда тыуған. Атаһы һуғышта вафат була, инәһе Ғәлимә Ширияздан ҡыҙы тәрбиәһендә үҫә ул. 2016 йылда “Йырым булһын бүләккә” исемле шиғри йыйынтығы баҫылып сыға. Бер нисә авторҙың шиғырҙары менән бергә уның ижад емештәре лә “Мағаш тауышы” исемле китапта сыҡҡан. Шиғырҙары “Табын” гәзите битендә лә даими баҫыла.
Был китапта мөхәббәт, дуҫлыҡ, туғанлыҡ хистәре, тыуған ергә, илгә булған һөйөү, авторҙың яҡын кешеләренә әйтер изге һүҙҙәре ярылып ята. “Йөрәгемдән һығылып сыҡҡан – күңелем ынйылары”, - тип яҙа автор шиғырында.
Миңтимер Сибәғәт улына ныҡлы һаулыҡ, тыныс тормош теләп, алда ла илһамланып ижад итеүен теләп ҡалабыҙ.