Башҡортостанда рәсми сараларҙа стилләштерелгән милли эш кейеме кейергә тәҡдим иттеләр. Дәүләт хеҙмәткәрҙәре өсөн бындай кейем формаһын үҙенең күрһәтмәһендә төбәк Башлығы Радий Хәбиров раҫланы.
Ир-егеттәр өсөн костюм ҡыя иҙеүле, ярым ултырма яғалы кәзәкиндән, классик салбарҙан, шул тондағы ботинканан, күҙгә салынып бармаған биҙәкле бер төҫлө күлдәктән тора.
Ҡатын-ҡыҙҙар кейеме оҙон еңле күлдәк йәки блузка, итәк, эшлекле пинжәк йәки жилет, камзул, шулай уҡ классик стилдәге аяҡ кейеменән тора. Ҡатын-ҡыҙҙар баҙыҡ булмаған ювелир изделиелары, бижутерия, күкрәксә йәки мунсаҡ таға ала.
Костюмды сағыу, ирекле стилдәге кейемдәр менән аралаштырып кейергә тәҡдим ителмәй.