Файҙаһы күп, белегеҙ!

Бәрәңгегә оҡшап торған киви еләгенең тыуған ере – Ҡытай.

Бер аҙ әскелтем тәмле киви бик файҙалы ла.

Унда клетчатка, аминокислоталар, С, Е, РР, В1, В2, В3, В4, В5 витаминдары, фолий кислотаһы, калий, кальций, магний, фосфор, тимер матдәһе күп. Ғалимдар әйтеүенсә, кивиҙы даими ашау йөрәк-ҡан системаһы сирҙәрен, бронхиаль астма, ашҡаҙан-эсәк ауырыуҙарын иҫкәртә, иммунитетты нығыта.

Кардиологтар ошондай тәмле лә, шифалы ла салат тәҡдим итәләр:

1 киви, 1 алма, 1 апельсин, 1 банан, 100 г грек сәтләүеге, тәбиғи йогурт. Апельсин, банан һәм кивины шаҡмаҡлап, алманы бүлкәләп турайбыҙ, ваҡланған сәтләүекте ҡушып салат һауытына һалабыҙ ҙа, өҫтөнә йогурт ҡоябыҙ. Ашығыҙ тәмле булһын!