Яңы һөнәр алыу мөмкинлеге бар

Башҡортостанда йәшәүселәр бушлай яңы һөнәр алыу мөмкинлегенә эйә. Заявканы “Рәсәйҙә эш” порталы аша бирергә була.

Программала Мәшғүллек үҙәгендә иҫәптә торған эшһеҙҙәр, 50 йәштән өлкәндәр, бала ҡарау ялында булған әсәләр һәм 7 йәшкә тиклемге балалы әсәләр ҡатнаша ала.

Уҡыуҙар республикала һорау менән ҡулланылған һәм перспективалы һөнәрҙәргә үткәрелә. Вакансияларҙы урынлаштырыу һәм эҙләү өсөн берҙәм интернет платформа 2020 йылдың майында ил Президенты В.В.Путин ҡушыуы буйынса барлыҡҡа килгән һәм “Демография” милли проекты сиктәрендә тормошҡа ашырыла. Порталға https://trudvsem.ru/auth/login/candidate һылтанма аша керергә мөмкин.