+17 °С
Болотло
Антитеррор
Бөтә яңылыҡтар
Яңылыҡтар
27 Апрель 2021, 10:40

Һуғандан һуң – кишер сәс

Бер урында йылдар дауамында бер үк культураны ултыртыу ерҙә ауырыуҙарҙың тупланыуына, тупраҡтың ярлыланыуына килтерә. Ә культураларҙы алмаштырып торғанда йыл да һау еләк-емеш, йәшелсәнең мул уңышын алырға була. Бынан тыш, сәсеү алмашыныуын алдан күҙаллау күпме орлоҡ һатып алырға, күпме үҫенте ултыртырға кәрәклеген фаразларға мөмкинлек бирә.

Сәсеү әйләнеше:
- Картуфтан һуң кәбеҫтәнең һәр төрө лә һәйбәт үҫә.
- Кәбеҫтәнән һуң томаттар һәм ҡыяр мул уңыш бирәсәк.
- Помидорҙан һуң түтәлгә ҡыяр, ҡабаҡ, таш ҡабаҡ ултыртырға кәрәк.
- Быға тиклем ҡыяр үҫкән түтәлдә баклажан, борос һәм помидор ултыртырға.
- Башлы һуған фасоль, борсаҡ, торманан һуң һәйбәт үҫә.
- Ә бына башлы һуған артынан кишер ултыртҡанда, уның мул уңышына, ауырыуҙарға бирешмәүенә өмөт итергә була.
- Ҡыҙыл сөгөлдөр борос үҫкән ерҙе үҙ итәсәк.
- Редисты һарымһаҡ, кишер, сөгөлдөр рәттәре араһына ултыртыу ике йәшелсә өсөн дә файҙалы булыр
.- Еләк түтәлдәре тирәләй йәшел һуған, борсаҡ ултыртырға кәңәш ителә.
Иң мөһиме - үҫемлектәрҙе 3-4 йыл дауамында кире үҫкән урынына ҡайтармауҙы күҙ уңында тоторға кәрәк.
Читайте нас: