Бөтә Рәсәй “Ҡатын-ҡыҙ бәхете биләмәһе” – Өфөлә!

20-21 майҙа “Торатау” конгресс-холында Бөтә Рәсәй “Ҡатын-ҡыҙ бәхете биләмәһе” Асыҡ Академияһы үтә. Республикалағы гүзәл заттарҙың ижади һәм социаль үҫеше өсөн берләшмә туплауға йүнәлтелгән хәйриә проекты беренсе тапҡыр ил кимәлендә ойошторола һәм үҙендә Рәсәйҙең билдәле ҡатын-ҡыҙҙарын, белгестәрҙе, спикерҙарҙы йыя. Сарала бай программа ҡаралған: түңәрәк өҫтәлдәр, оҫталыҡ дәрестәре, лекциялар, медицина белгестәренең консультациялары һәм экспресс-тестар. Бөтә Рәсәй “Ҡатын-ҡыҙ бәхете биләмәһе” асыҡ академияһының ҡунаҡтары – Ирина Муравьева, Оксана Пушкина, Арина Шарапова, Валентина Паевская, Арпине Саркисян, Регина Доктор үҙ тәжрибәләре менән уртаҡлашып, уңышлы булыу серҙәрен асасаҡ. Программала төбәктең билдәле ҡатын-ҡыҙҙары ҡатнашасаҡ.