-16 °С
Болотло
Антитеррор
Бөтә яңылыҡтар
Яңылыҡтар
24 Май 2021, 13:50

Урындағы мәсьәләләрҙе хәл итеүгә йүнәлтелә

«Иң яҡшы муниципаль тәжрибә» Бөтә Рәсәй конкурсы урындағы үҙидара органдарының әүҙемлеген арттырыу, урындағы әһәмиәттәге мәсьәләләрҙе хәл итеү һәм муниципаль идара итеүҙе ойоштороу буйынса урындағы үҙидара органдары эшмәкәрлегенең иң яҡшы тәжрибәһен асыҡлау, дәртләндереү һәм таратыу өсөн үткәрелә.Конкурста беренсе урын яулаған муниципалитеттар Башҡортостан хөкүмәте дипломдары һәм аҡсалата премия менән бүләкләнә. Премия аҡсалары ҡала төҙөү сәйәсәте, халыҡтың йәшәйеше өсөн уңайлы мөхит булдырыу һәм торлаҡ-коммуналь хужалыҡты үҫтереү буйынса саралар башҡарыуға сарыф ителеүе ҡаралған. Республика этабында еңеүселәрҙең ғаризалары «Иң яҡшы муниципаль тәжрибә» конкурсының Бөтә Рәсәй этабында ҡатнашыу өсөн Федераль конкурс комиссияһына ебәрелә.

Конкурста әлегә Ғафури районы уңышҡа өлгәшкәне юҡ. Имәндәш ауыл биләмәһенең проекты һайлап алыу этабын үтә алманы. Конкурста ҡатнашыусы күрше муниципалитеттар тәжрибәһенән күренеүенсә, еңеү һөҙөмтәһендә алынған аҡсалар төҙөкләндереү буйынса бик күп мәсьәләләрҙе хәл итеүгә йүнәлтеләсәк. Аҡсалата премияларҙың дөйөм күләме – 1 млрд һум. Ҡала һәм муниципаль округтар иң яҡшы тәжрибә өсөн 3 млн-дан 20 млн һумға тиклем премия аласаҡтар. Еңеүселәргә шулай уҡ Рәсәй Хөкүмәте дипломдары тапшырыласаҡ.
Читайте нас в