Мәҙәниәт усаҡтарын балҡытып

Был сарала “Кесе Ватан мәҙәниәте” проектының йәмәғәт советы, Рәсәй мәҙәниәт хеҙмәткәрҙәре профсоюзының республика ойошмаһы рәйесе Александр Владимирович Кузьменко, Башҡортостан Республикаһының атҡаҙанған артисы, “Кесе Ватан мәҙәниәте” проектының йәмәғәт советы, "Бөтә донъя башҡорттары ҡоролтайы (Конгресы)" йәмәғәт ойошмаларының халыҡ-ара союзы ағзаһы Гөлназ Вәкил ҡыҙы Аҡназарова, район хакимиәте башлығының социаль мәсьәләләр буйынса урынбаҫары вазифаһын башҡарыусы Рәмил Кинйәбаев, район Советы һәм Ғафури районы башҡорттары ҡоролтайы рәйесе Фаил Зәйнетдинов ҡатнашты.

Федераль грант аҡсаһына бойомға ашырылған проект сиктәрендә Еҙем-Ҡаран ауыл мәҙәниәт йортона заманса яҡтыртыу ҡорамалдары, тауыш көйләү аппаратураһы, “Әхирәттәр” йыр ансамбленә сәхнә кейемдәре, ҡатын-ҡыҙҙар йыр ансамбленә сәхнә күлдәктәре, фольклор төркөмөнә милли кейемдәр, балалар бейеү ансамбленә бейеү костюмдары, профессиональ фотоаппарат, компьютер, принтер, ноутбук, мультимедиялы экран, проектор, тирмә алынған.

Ауылдарҙағы мәҙәниәт усаҡтарына ярҙам итеүгә йүнәлтелгән “Кесе Ватан мәҙәниәте” проекты мәҙәниәтте үҫтереүгә, халыҡтың үҙенсәлекле мәҙәниәтен һаҡлауға һәм киләсәк быуынға тапшырыуға булышлыҡ итә.