Ғафури еренең тағы ла бер ғәзиз улы Максим Чернов махсус хәрби операция барышында һәләк булды

 Максим Ташлы ауылында тыуып үҫкән. Ташлы урта мәктәбен тамамлай, дөйөм төҙөлөш эштәре мастеры һөнәре ала, армияла хеҙмәт итә. 2022 йылдың сентябрендә мобилизациялау буйынса хәрби хеҙмәткә саҡырыла. 2023 йылдың 4 ғинуарында 24 йәшендә һәләк була. 

Был аяныслы юғалтыу тойғоһон һүҙ менән генә аңлатырлыҡ түгел. Ата-әсәһенең ҡайғыһын еңеләйткән һүҙҙәр табырлыҡ түгел. Геройыбыҙҙың ғаиләһенең ауыр ҡайғыһын уртаҡлашабыҙ. Хәрби бурысын намыҫ менән үтәгән ысын ир-егет, патриот  алдында баш эйәбеҙ.