-10 °С
Болотло
Антитеррор
Бөтә яңылыҡтар
Яңылыҡтар
27 Ғинуар 2023, 13:25

Тәжрибә уртаҡлаштылар

Гәзиттә хәбәр итеүебеҙсә, Красноусолда райондың "Мәғариф тарихы" музейын булдырыу буйынса эштәр башланды.  26 ғинуарҙа музей советы ағзалары: Солтанморатов Рауил Ғәбдрәшит улы, Николаев Олег Сергеевич, ветеран уҡытыусылар Исламғолов Рим Насрулла улы, Ракаев Рауил Әнүәр улынан торған бер төркөм Ишембай халыҡ мәғарифы музейында һәм 15-се мәктәп музейында булдылар.

Тәжрибә уртаҡлаштылар
Тәжрибә уртаҡлаштылар

Эш сәфәре барышында улар музей эшен алып барыу, документтар әҙерләү һәм башҡа эш мәсьәләләре буйынса тәжрибә уртаҡлашты.
Ишембай районының мәғариф идаралығы начальнигы Исламғолов Илшат Һиҙиәтулла улына, музей директоры Өмөтбаев Әнүәр Флүр улына һәм 15-се мәктәп директоры Миләүшә Марат ҡыҙына  экскурсиялар ойошторғандары һәм ихлас ҡабул иткәндәре өсөн рәхмәтле булдылар. Районда "Мәғариф тарихы" музейын булдырыу күптән өлгөрөп еткән мәсьәлә ине, инициатив төркөмгә алдарына алған мөһим, ҡатмарлы эштә уңыштар теләргә генә ҡала. Ә район халҡынан мәктәптәр тарихына бәйле мәғлүмәттәр менән уртаҡлашыуҙары һорала. 

Тәжрибә уртаҡлаштылар
Тәжрибә уртаҡлаштылар
Автор:Гульдар Кинзябаева
Читайте нас в