Көрәш батырҙары

Көрәш көсөргәнешле, ҡыҙыу барҙы, бер кем дә бил бирергә теләмәне. Ниһайәт, иң көслөләр билдәләнде һәм 60 килограмм ауырлыҡ категорияһында Фәнүр Кәшәфетдинов (Ишембай) еңеүсе булды, икенсе - Рүзил Ғөбәйҙуллин (Сәйетбаба), өсөнсө урында Илшат Абдуллин (Ҡауарҙы). 70 кг ауырлыҡтағы көрәшселәр төркөмөндә Рушан Шәрипов (Имәндәш) – беренсе, Фирүз Фәхриев (Сәйетбаба) – икенсе, Эмиль Юлбарисов өсөнсө урынды алды. 80 кг ауырлыҡ категорияһында Азат Үтәгәнов – беренсе, Рәис Юлбарисов (Сәйетбаба) – икенсе, Айбулат Хужаев (Ҡауарҙы) өсөнсө урынды яуланы. 80 кг-дан ашыу ауырлыҡ категорияһында Тимур Ҡолманов еңеүсе булды. Икенсе урын Айрат Мусинға, өсөнсө – Айгиз Бирҙеғоловҡа бирелде.
Абсолют чемпион исеме өсөн көрәш тә сәмле барҙы. Һөҙөмтәлә, Рәйес Юлбарисов еңеүсе тип табылды. Тәкәләрҙе яурындарына һалып, милли көрәш бу-йынса турнир еңеүселәре һәм призёрҙары көйәрмәндәрҙең көслө алҡышына һәм ҡиммәтле бүләктәргә лайыҡ булды.
Йәш көрәшселәр - үҫмер егеттәр араһында 60 кг ауырлыҡ төркөмөндә Дим Ғәлимов (Ауырғазы районы) беренселекте бер кемгә лә бирмәһә, икенсе урын Сыңғыҙ Зәйнетдиновҡа (Сәйетбаба), өсөнсө - Эмиль Ғөбәйҙуллинға (Ауырғазы районы) бирелде. 65 кг ауырлыҡ буйынса беренселекте Илнар Клявкин (Ауырғазы районы), икенсе урынды Фәнзил Амангилдин (Имәндәш), өсөнсөлөктө Рәмзил Кинйәбулатов (Имәндәш) алды. 65 кг.-нан ашыу ауырлыҡ үлсәмендә беренсе урынға Кирилл Чернов (Красноусол), икенсегә – Ринат Әхтәмов (Имәндәш), өсөнсөгә Айваз Кәримов (Сәйетбаба) лайыҡ булды. Үҫеп килгән йәш көрәшселәр ҙә район Советы рәйесе Фаил Зәйнетдинов ҡулынан матур бүләктәр алып ҡыуанды.