-10 °С
Болотло
Антитеррор
Бөтә яңылыҡтар
Яңылыҡтар
18 Сентябрь 2023, 10:55

Егән буйҙары таҙарып ҡалды

Ғафури районының Яңғыҙҡайын ауылы эргәһендә Егән йылғаһы яр буйын «Рәсәй йылғаһы» акцияһы барышында сүп-сарҙан таҙарттылар, сара 14 сентябрҙә «Экология» милли проектын тормошҡа ашырыу сиктәрендә уҙҙы.

Егән буйҙары таҙарып ҡалды
Егән буйҙары таҙарып ҡалды

Башҡортостан Республикаһы Тәбиғәттән файҙаланыу һәм экология министрлығы ойошторған сарала 70-кә яҡын кеше: Яңғыҙҡайын мәктәбе уҡыусылары, ауыл хакимиәте, «Ҡайын» муниципаль унитар предприятиеһы хеҙмәткәрҙәре, урындағы халыҡ ҡатнашты. Улар 5 километр самаһы яр буйын үтеп, 150 тоҡ сүп-сар йыйҙы. Өмәгә 3 берәмек техника йәлеп ителде.

Башҡортостан Республикаһы Тәбиғәттән файҙаланыу һәм экология министрлығының Стәрлетамаҡ территориаль идаралығы баш белгесе В.А. Горшечников хәбәр итеүенсә, 2014 йылдан башлап үткәрелгән акцияның төп маҡсаты - һыу объекттары ярҙарын сүп-сарҙан таҙартыу, шул уҡ ваҡытта халыҡ араһында экологик грамоталылыҡты арттырыуға, йәмәғәтселек һәм йәш быуын иғтибарын һыу ресурстарын һаҡлауға һәм уларҙың сифатын яҡшыртыуға йәлеп итеү.

Экоакцияла ҡатнашҡандарҙың бөтәһенә лә ҙур рәхмәт!

Егән буйҙары таҙарып ҡалды
Егән буйҙары таҙарып ҡалды
Егән буйҙары таҙарып ҡалды
Егән буйҙары таҙарып ҡалды
Егән буйҙары таҙарып ҡалды
Егән буйҙары таҙарып ҡалды
Егән буйҙары таҙарып ҡалды
Автор:Гульдар Кинзябаева
Читайте нас в