"Быҙыбыт" ансамбленең йәш бейеүселәренең сираттағы уңышы

Сәхнәгә бер-бер артлы һәүәҫкәр һәм профессиональ бейеүселәр сығып, компетентлы жюри һәм күп һанлы тамашасылар хөкөмөнә үҙҙәренең заманса, эстрада, көнсығыш, халыҡ һәм классик йүнәлештәрҙәге бейеүҙәрен тәҡдим ите.

Ғафури районынан бейеүҙәр фестивалендә хореограф Илшат Хәбибуллин етәкселегендәге «Быҙыбыт» өлгөлө хореография ансамбле "Тауҙар ритмы" кавказ бейеүе менән сығыш яһаны.

Бәләкәй булһалар ҙа малай һәм ҡыҙҙарыбыҙҙың бындай конкурстарҙа һәм фестивалдәрҙә ҡатнашыу тәжрибәһе ҙур.

Йәнешев Тимурҙың "Генерал Игзаков" бейеүе менән иҫтә ҡалырлыҡ яңғыҙ сығышы һәм йәш ғафуриҙар башҡарыуындағы дәртле кавказ бейеүе тамаша залында бер кемде лә битараф ҡалдырманы. Һөҙөмтәлә Тимур 1 - се урын яулай, коллектив башҡарған кавказ бейеүе 2-се урында була.

- Бейеүселәрем менән сикһеҙ ғорурланам! Һәр саҡ шулай ныҡышмал булығыҙ!- тине Илшат Хәлим улы тәрбиәләнеүселәренең уңыштарын билдәләп. - Һәләтле балалар үҫтергәндәре өсөн бөтә ата-әсәләргә рәхмәт. Һеҙҙең ярҙамығыҙ беҙгә бик кәрәк.

Йәш таланттарыбыҙҙы ҡотлайбыҙ! Яңынан-яңы уңыштар телйбеҙ!