Сәсеүгә төштөләр

Хужалыҡтарҙың тәүгеһендә борсаҡ, һуңғыларында һоло сәсеү менән мәшғүлдәр. “ШЭ Г.М.Тахтаров” хужалығының 120 гектарлы баҫыуында борсаҡ сәсеү ҡыҙыу төҫ алған. Канадала етештерелгән “Бюллер” тракторына тағылмалы “АMAZONE” DMS-9” сәсеү комплексында Андрей Беляев был ҡуҙаҡлы культураны сәсеү менән мәшғүл булһа, агрегат алдынан тракторсы Арслан Сәләхов ерҙәрҙе катуклай, сәсеү орлоҡтарын Валерий Мәҡсүтов ташып өлгөртөп тора.
Яҡын көндәрҙә хужалыҡтарҙың башҡалары ла сәсеү эштәренә тотонор. Ужым культураларын өҫтәлмә туҡландырыу, дым ҡаплатыу эштәре дауам итә.