Байбулдиндар — «Рәсәй ғаиләһе» Бөтә Рәсәй фестивале лауреаты

Улар Һамар өлкәһендә 6 – 9 июлдә үткән «Рәсәй ғаиләһе» Бөтә Рәсәй ғаилә ижады фестивалендә ҡатнашып, ошондай ҙур танылыу алды. Сарала тотош илебеҙҙең 24 төбәгенән Рәсәй халыҡтарының төрлө жанрҙағы (халыҡ йыры һәм музыкаһы, традицион мәҙәниәт, биҙәү-ҡулланма сәнғәт) традицияларын һаҡлаған һәм популярлаштырған 23 ғаилә ансамбле һәм 12 профессиональ династияһы ҡатнашты.

Башҡортостан Республикаһы Халыҡ ижады үҙәгенең матбуғат хеҙмәтенән хәбәр итеүҙәренсә, фестивалдә Башҡортостан исеменән Ғафури районы Сәйетбаба ауылының «Бай» ғаилә халыҡ ансамбле сығыш яһаны. Ансамбль һигеҙ кешенән тора, төркөмдөң иң йәш ағзаһы Илсурға — 10, ә иң олоһо Хәтмулла Лотфулла улына — 72 йәш. Төркөм етәксеһе Илһам Байбулдин ҡурайҙа, думбырала оҫта уйнай. Яҡташыбыҙ өзләү һәм милли ҡоралдар эшләү оҫтаһы ла, Башҡортостан Республикаһының атҡаҙанған мәҙәниәт хеҙмәткәре, Рәсәй Хөкүмәтенең «Рәсәй йәне» премияһы лауреаты, Башҡортостандың халыҡ сәсәне һәм халыҡ оҫтаһы тигән исемдәре бар. Сағыу, һәләтле Байбулдиндар ғаиләһе «Рәсәй ғаиләһе» фестивале лауреаты булды һәм Диплом, Рәхмәт хаты менән бүләкләнде.

Мәрхәбә СОБХАНҒОЛОВА.

Байбулдиндар — «Рәсәй ғаиләһе» Бөтә Рәсәй фестивале лауреаты

Автор:Зифа Гайсина

Читайте нас:

Газета зарегистрирована Управлением Федеральной службы по надзору в сфере связи, информационных технологий и массовых коммуникаций по Республике Башкортостан. Свидетельство ПИ № ТУ 02-01436 от 1 сентября 2015 года. Главный редактор: Кинзябаева Гульдар Барыевна.

Телефон

8(34740)2-16-31

Электрон почта

[email protected]

Адресы

453050, Республика Башкортостан,Гафурийский район, улица Фрунзе,33

Реклама хеҙмәте

8(34740)2-15-25

Редакция

8(34740)2-16-31

Кадрҙар бүлеге

8(34740)2-21-59