Өлгө булып тора

“Хөрмәтле Рим Хөснулла улы һәм Гөлнар Миҙхәт ҡыҙы! Мин, “Центр” инженер ғәскәрҙәре группировкаһы начальнигы, генерал-майор А.Гандзюк, шул хаҡта хәбәр итәм: һеҙҙең улығыҙ Рөстәм үҙенең хәрби бурысын өлгөлө үтәй. Махсус хәрби операция барышында үҙен юғары класлы белгес, тәүәккәл һәм маҡсатҡа ынтылыусан хәрби итеп танытты. Ватанды һаҡлауҙа хәрби бурысын үтәгәндә һәр ваҡыт инициатива күрһәтә. Тырышлығы һәм күрһәткән хеҙмәттәре өсөн бүләкләүҙәргә лайыҡ булды.
Украина нацистарынан биләмәләрҙе азат итеүҙә хәрби бурысын үтәгәндә Рөстәм үҙен өлгөлө хәрби итеп кенә күрһәтеп ҡалманы, ә хәрби хеҙмәттәштәренә өлгө булырҙай юғары әхлаҡлы гражданин һәм үҙ иленең ысын патриоты итеп танытты. Шәхсән үҙемдең, хәрби часть командованиеһы һәм барлыҡ личный состав исеменән улығыҙ Рөстәмде – Рәсәй Федерацияһы Ҡораллы Көстәренең өлгөлө хәрби хеҙмәткәре һәм намыҫлы Ватан һаҡсыһы итеп тәрбиәләп үҫтергәнегеҙ өсөн һеҙгә ҙур рәхмәт һүҙҙәрен еткерәм!”
Рөстәм Зөбәйҙуллин мәктәпте тамамлағас, Башҡорт дәүләт аграр университетының механика факультетына уҡырға инә. Әммә 3-сө курстан һуң, армияға барырға ҡарар итә. 2007 йылда әрме хеҙмәтен тултырғас, артабан контракт буйынса Алкинола хеҙмәт итә.
Махсус хәрби операция башланғас, Рөстәм яугир яҡташтарға гуманитар ярҙам ташыуҙа ҡатнаша. Ә былтыр ноябрҙә уларҙың часын МХО зонаһына күсерәләр. Яҡташыбыҙҙың Дёмала ғаиләһе: ике ҡыҙы (өлкәне – 6-сы класта уҡый, кесеһенә - 5,5 йәш) һәм ҡатыны (дауаханала админис-тратор булып эшләй), ә Красноусолда атаһы менән әсәһе, тиҙерәк һуғыш тамамланып, яҡын кешеләренең, улдарының иҫән-һау ҡайтыуын көтә.
Беҙ ҙә Рөстәмгә яҡындары янына тиҙерәк иҫән-һау, имен-аман һәм, әлбиттә, Еңеү менән әйләнеп ҡайтыуын теләйбеҙ!