"Матур ғаилә - ил күрке" тип аталған сара үтте

“Әкиәт” балалар баҡсаһында халҡыбыҙҙың йолаларына, ғөрөф-ғәҙәттәренә һөйөү тәрбиәләгән әһәмиәтле сараларҙың йыш уҙғарылыуы ҡыуаныслы. Шундайҙарҙың береһе “Рухлы ғаилә – ил ҡото” тип аталды. Ул Ғаилә йылына, Әсәйҙәр көнөнә арналды. Бында Йәрмиевтар, Юлмөхәмәтовтар, Хөсәйеновтар, Халиҡовтар ғаиләләре үҙ-ара ярышты. Ярыштарҙа сәм тойғоһо, еңеүгә ынтылыш менән бергә дуҫлыҡ, бер-береңә ярҙам итеү мөхите урынлашты. Сөнки ғаиләләрҙең күбеһе йыл әйләнәһенә ошондай сараларҙа осрашып, дуҫлашып бөткән. Уларҙың сығыштары береһенән-береһе сағыуыраҡ, йөкмәткелерәк ине. “Аҡбуҙат”, “Йәйғор” төркөмдәре балалары ла әүҙем ҡатнашты был сарала. Сараны тәрбиәсе Лилиә Әсҡәт ҡыҙы Килмөхәмәтова йәнле итеп алып барҙы. Тәрбиәсе Луиза Мөхәмәҙей ҡыҙы Мәүлетҡолова өләсәй ролендә йомаҡтар ҡойҙо, һорауҙар биреп ғаиләләрҙең белемен дә тикшереп ҡараны. (Сара барышы хаҡында тулыраҡ гәзиттең киләһе һандарында яҙырбыҙ).