Республиканың ике кешеһе аферистарға 10 миллион һумдан ашыу аҡса күсергән

Өфө ҡалаһы буйынса 3-сө полиция бүлегенә ҡаланың юғары уҡыу йорттарының береһендә уҡытыусы мөрәжәғәт итте. Иргә МТС компанияһы хеҙмәткәрҙәренән шылтыратыу килә. Шылтыратыусы ғариза биреүсенең килешеүҙең ғәмәлдә булыу ваҡыты етеүен һәм артабан бәйләнештә ҡалыу өсөн уны оҙайтырға кәрәклеген хәбәр итә. Әңгәмәсеһенә ышанып, ир уға смс-кодтар хәбәр итә. Артабан «хоҡуҡ һаҡлау органдары хеҙмәткәрҙәре» һәм «банк»тан шылтыратыуҙар килә. Енәйәтселәр кредитты рәсмиләштереүҙе булдырмау һылтауы менән өфөлөгә кредит алырға күндерә, һәм ул быны эшләй, 1 миллион һумдан ашыу аҡса ебәрә. Әммә бынан һуң мутлашыусылар зыян күреүсенән аҡса алыу өсөн яңы һылтау уйлап таба. Был юлы «белгестәр " өсөнсө кешеләрҙең ғариза биреүсенең күсемһеҙ милеген тартып алырға маташыуы тураһында хәбәр итә. Быны булдырмау өсөн банктың ялған хеҙмәткәре фатирҙы һатырға, ә аҡсаны «хәүефһеҙ иҫәпкә» һалырға, артабан улар өсөн торлаҡты кире һатып алырға күндерә. Шылтыратыусы хатта риелторҙарҙың номерҙарын бирә, улар аша был операцияны тиҙерәк «үтергә» мөмкин. Аферистарҙың күрһәтмәләренә ярашлы, уҡытыусы фатирҙы 5,5 миллион һумға һата һәм уларҙың иҫәбенә аҡса ебәрә.

Әлшәй районы буйынса полиция бүлегенә дөйөм белем биреү учреждениеһының 56 йәшлек уҡытыусыһы мөрәжәғәт итә. Ғариза биреүсегә билдәһеҙ ир шылтырата һәм үҙен «Мегафон» компанияһы хеҙмәткәре тип таныштыра. Әңгәмәсе уға  мобиль кәрәзле элемтә ҡушымтаһының иҫке версияһы ҡуйылыуы тураһында хәбәр итә һәм уны яңыртыуҙа ярҙам тәҡдим итә. Енәйәтсе етәкселегендә ҡатын үҙенең смартфонында экранды күрһәтеү функцияһын тоташтыра, уның ярҙамында ялған белгес зыян күреүсенең шәхси мәғлүмәттәрен үҙләштерә. Бер нисә минуттан һуң уҡытыусы менән «банк хеҙмәткәрҙәре» бәйләнешкә сыға һәм кредит алыу өсөн ғариза биреүҙәре тураһында хәбәр итә. Уны ғәмәлдән сығарыу өсөн мутлашыусылар ҡорбандың үҙенә ғариза ебәрергә күндерә, һәм ул шулай эшләй ҙә. Һөҙөмтәлә ҡатын мутлашыусыларға 3,5 миллион һум самаһы аҡса күсерә.

Башҡортостан Республикаһы буйынса Эске эштәр министрлығы иҫегеҙгә төшөрә: уяу булығыҙ! Әгәр һеҙгә ҡарата законһыҙ операция яһау тураһында шикле шылтыратыу килһә, һөйләшеүҙе туҡтатырға кәңәш ителә. Аҡсағыҙҙы хәүефһеҙ иҫәпкә күсермәгеҙ, таныш булмаған кешеләргә телефон аша үҙегеҙҙең шәхси мәғлүмәттәрегеҙҙе, шулай уҡ банк реквизиттарын хәбәр итмәгеҙ, үҙегеҙгә таныш булмаған кешеләрҙең тәҡдимдәре буйынса телефонығыҙға билдәһеҙ ҡушымталар ҡуймағыҙ. билдәһеҙ реквизиттар буйынса аҡса күсереүҙә уяулыҡ Һаҡлағыҙ, тикшерелгән сайттарҙан ғына файҙаланығыҙ.