Имәндәш мәктәбендә спорт майҙансығы асылды

Был Яңы йыл алдынан мәктәп, ауыл халҡы өсөн ҙур бүләк булды. Ул мәктәп директоры Әлфинә Фәрит ҡыҙы Мәхмүтова һәм уның командаһы, ауыл халҡы, ата-әсәләр, проекттың партнерҙары булған район хакимиәте, Имәндәш ауыл биләмәһе,  ДРСУ, район электр селтәре, ауыл мәктәбе ярҙамы менән тормошҡа ашырылған.

Балаларға хәҙер рәхәтләнеп уйнарға ла, споорт менән шөғөлләнергә лә бар мөмкинлектәр булдырылған. Ауылда балалар тауышы яңғырап торһон, уларҙың көндәре телефонға ҡаҙалып ҡына үтмәһен өсөн ошондай майҙансыҡтарҙың булыуы мөһим, әлбиттә. Беҙҙең киләсәгебеҙ булған кескәйҙәрҙең бала сағы матур, күңелле, һау-сәләмәт үтһен. Балалар спорт майҙансығы шулай һәр саҡ гөрләп торһон, тигән теләктәрен еткерҙе был сарала ҡатнашыусылар.