Сәйетбабала ҡышҡы ат сабышы уҙҙы

Был сараның төп ойоштороусылары булып Архангел районы егете Рауил Баһауетдинов менән Сәйетбаба егете Рөстәм Шаһиев торһа, Халыҡтар дуҫлығы йорто филиалының "Сәйетбаба" башҡорт тарихи-мәҙәни үҙәге хеҙмәткәрҙәре, Сәйетбаба ауыл биләмәһе, ауыл мәҙәниәт йорто, район ветеринария станцияһы ошо сараны үткәреүгә ҙур көс һалған.

Иң ҙур башҡорт ауылының Ҡарауыл тауы итәгендәге иркен яланында уҙғарылған ат спорты ысын мәғәнәһендә ҙур тамашаға әүерелде. Сабыш үтәсәк урынды алдан уҡ ҡарҙан таҙартып, юл эшләп ҡуйғандар. Ҡаҙандарҙа былау бешерелеп, ауыл мөслимәләре төрлө ризыҡтарҙан һығылып торған өҫтәл әҙерләп ҡуйғандар ине. Район башҡорттары ҡоролтайы рәйесе, ветеринария станцияһы начальнигы Фаил Зәйнетдинов ат сабышының комментаторы булып, уны йәнле, рухлы итеп алып барҙы. Районда тәүгә үткән ат сабышы киләсәктә йыл да уҙғарылып, матур йолаға әүерелер, тигән теләктәрен дә еткерҙе бында ҡатнашыусылар.

Сара тураһында гәзиттең алдағы һандарында уҡырһығыҙ.