“Мин яратам һине, тормош!”

Оло йәштәгеләр өсөн тәғәйенләнгән  был ижади бәйге киң билдәлелек яулап, йыл һайын уҙғарылып килә. Уны Башҡортостан Республикаһының Хеҙмәт һәм халыҡты социаль яҡлау министрлығы ололарҙың ижади эшмәкәрлегенә йәмғиәттең иғтибарын йәлеп итеү, уларҙың һәләтен үҫтереүгә булышлыҡ итеү, интеллектуаль һәм ижади мөмкинлектәрен мәҙәниәттә ҡулланыу, һәләттәрҙе асыҡлау маҡсатынан ойоштора.

Район һәүәҫкәрҙәренең ижади бәйгеһе күңелле һәм сәмле барҙы. Жюри ағзалары һәр номерҙы диҡҡәт менән ҡарап, лайыҡлы баһа бирҙе. Һайлап алыуҙы үткән үҙешмәкәр артистар районыбыҙҙың данын республика кимәлендә яҡлаясаҡ.