“Тормош өсөн инфраструктура” милли проекты йәмәғәт урындарын төҙөкләндерә

Был яңы һәм яңыртылған заманса парктар, скверҙар, яр буйы, балалар һәм спорт майҙансыҡтары. Быйыл йәмәғәт киңлектәрен төҙөкләндереү “Тормош өсөн инфраструктура” милли проекты буйынса дауам итәсәк. 2025 йылда Башҡортостанда 164 объект, шул иҫәптән федераль бюджет ҡатнашлығындағы 94 объект тәртипкә килтереләсәк. «Уңайлы ҡала мөхитен булдырыу» программаһы Рәсәйҙә иң уңышлыларҙың береһе була. Төҙөкләндереү өсөн объекттарҙы халыҡ үҙе һайлай. Программаны 2017 йылдан Рәсәй Президенты ҡушыуы буйынса тормошҡа ашыралар. Владимир Путин һүҙҙәренсә, йәшәү өсөн заманса мөхит булдырырға, ҡалаларҙы һәм ҡасабаларҙы үҙгәртергә кәрәк. Шул уҡ ваҡытта уларҙың үҙ йөҙөн һәм тарихи мираҫын һаҡлап ҡалыуы мөһим. Һуңғы 5 йылда республикала иң сағыу төҙөкләндереү объекттарының ҡайһы берҙәре - беҙҙең карточкаларҙа.

#национальныепроекты; #нацпроекты; #региональныепроекты; #регпроекты; #нацпроектыБашкортостан