+28 °С
Болотло
Яңылыҡтар
1 Сентябрь 2025, 08:20
Владимир Путин Рәсәй халҡын Белем көнө менән ҡотланы
“Ҡәҙерле дуҫтар. Мәктәп һәм колледж уҡыусылары, вуз студенттары, педагогтарҙы һәм ата-әсәләрҙе Белем көнө менән ҡотлайым. Һәр кемдең биографияһы был байрам менән бәйле- барыбыҙ ҙа оло тормош юлын мәктәптән башланыҡ, 1 сентябрҙәге шатлыҡтарҙы һәм тулҡынланыу хистәрен яҡшы иҫләйбеҙ.
Беренсе ҡыңғырау тауышын ишетәсәк балаларҙы айырым ҡотлағым килә. Һеҙҙең өсөн яңы, яуаплы, мауыҡтырғыс осор башлана. Беҙ Рәсәй балаларының , йәш быуындың заманса белемдәрҙе үҙләштереүҙә барлыҡ шарттар булдырыу өсөн барыһын да эшләйәсәкбеҙ. Илдең киләсәге бөгөн һеҙҙән- мәктәп, колледж һәм вуз тупһаһы аша атлап уҙыусыларҙан тора. Уларҙың педагогтары, ата-әсәләре, өләсәй-олаталарына ихлас күңелдән уңыштар, һаулыҡ, именлек теләйем”, - тиелә ил президенты ҡотлауында.
