Азалия Әминева Башҡортостанда боксҡа булған ҙур һөйөүе хаҡында һөйләне

Рәсәй ҡыҙы IBA.PRO версияһы буйынса алты раундлы алышта 67 килограмға тиклемге ауырлыҡта төрөк ҡыҙы Неслихан Моллаоглу менән осраша (1-1). Әминева профессиональ рингта уҙған йылдың авгусында дебют яһаны һәм был ваҡыт эсендә өс уңышлы алыш үткәрҙе. Улар Башҡортостандың баш ҡалаһында үтте.

- Минең өсөн профессиональ рингта сығыш яһау - яңы баҫҡыс. Мин бында әле өлгәшмәгән бик күп һынауҙар һәм маҡсаттар барлығын беләм, - ти Азалия Әминева. - Дәғүәсе - Төркиәнән, ә беҙ төрөк боксерҙарының шәп икәнен беләбеҙ. Шуға күрә маҡсат - уны техник яҡтан уҙып китеү. Башҡортостандағы, Өфөләге турнирҙарҙы һәм ярыштарҙы үҙ итәм. Мин бокс менән үҙ еремдә шөғөлләнергә яратам, сөнки бында залдағы ярҙамды тоям. Был миңә көс, ышаныс өҫтәй. Рингтан сыҡҡас, минең өсөн янып-көйөргә килгән һәр кемде ҡосаҡлап, рәхмәт әйтәм.

Башҡортостандан тағы бер боксер Данис Ғабдрафиҡовҡа (4-0, КО 1) һигеҙ раундлыҡ алышта WBA Asia Central билбауы өсөн ярым урта ауырлыҡта Темиржан Баймолда (10-0, КО 6) ҡаршы торасаҡ. 

- WBA Asia Central билбауы өсөн алыш буласаҡ, - тип белдерҙе Ғабдрафиҡов. - Был минең өсөн бик яуаплы турнир. Әҙерлектә спаррингтарға һәм спарринг-партнерҙар һайлауға күберәк иғтибар бүләбеҙ. Апрель айында үткән IBA турнирынан бирле мин туҡтамай әҙерләндем. Күп турнирҙар һәм алыштар булды, шуға күрә мин әле яҡшы формала.

WBA Continental билбауы өсөн еңел ауырлыҡ үлсәмендә рәсәйҙәр Артур Собханғолов (9-0, КО 4) һәм Тигран Узлян (12-1, КО 6) алышасаҡ. Өфөлә буласаҡ турнирҙың программаһы түбәндәгесә:

- 90,7 кг-ға тиклем, 6 раунд, IBA.PRO: Ярослав Шкутяк (1-0, Рәсәй) - Хәлимжон Мамасолиев (2-0, КО 2, Үзбәкстан);
- 90,7 кг-дан юғары, 6 раунд, IBA.PRO: Бекхан Исраилов (1-0 IBA.PRO, Рәсәй) - Иман Рамезанпур (2-1, КО 1, Иран).
- 66,7 кг-ға тиклем, 8 раунд, WBA Asia Central билбауы өсөн алыш: Данис Ғабдрафиҡов (4-0, КО 1, Рәсәй) – Темиржан Баймолда (10-0, КО 6, Үзбәкстан);
- 67 кг-ға тиклем, 6 раунд, IBA.PRO: Азалия Әминева (3-0, КО 1 IBA.PRO, Рәсәй) - Неслихан Моллаоглу (1-1, Төркиә).
- 76,2 кг-ға тиклем, 8 раунд, IBA.Intercontinental билбауы өсөн алыш: Павел Силягин (16-0-1, КО 7, Рәсәй) - Гонсалес Кейбер (21-1, КО 18, Венесуэла);
- 61,2 кг-ға тиклем, 10 раунд, WBA Continental билбауы өсөн алыш: Артур Собханғолов (9-0, КО 4, Рәсәй) - Тигран Узлян (12-1, КО 6, Рәсәй).

Фото: Башҡортостандың Спорт министрлығы.