+28 °С
Болотло
Яңылыҡтар
14 Ноябрь 2025, 11:10
Ғафури балы - Үҙәк Азияла
12-14 ноябрҙә Ҡаҙағстан республикаһының Алматы ҡалаһында “FoodExpo Qazagstan- 2025” Үҙәк Азия халыҡ-ара күргәҙмәһе бара. Был күргәҙмә аҙыҡ-түлек, төрлө эсемлектәр һәм ҡоролмалар етештереүселәргә Халыҡ-ара кимәлдә килешеүҙәр төҙөү өсөн иң ҙур һәм әһәмиәтле майҙансыҡ булып тора. 500-ҙән ашыу төрлө компания ҡатнашҡан был күргәҙмә үҙ продукцияңды тәҡдим итеп, Үҙәк Азия сауҙа селтәрҙәренә сығыу өсөн тура юл тип баһалана.
Ғафури балы - Үҙәк Азияла
Иң мөһиме, был күргәҙмәлә республикабыҙ ғына түгел, бөтә Рәсәй кимәлендә иң яҡшы һәм сифатлы булараҡ билдәләнгән һәм бренд балы тип табылған “Ғафури балы” ла ҡатнаша. Әйткәндәй, умартасы Р Зәйнетдинов етәкселегендәге “ЗА Рус” ЯСЙ-е етештергән продукция Стәрлетамаҡ ҡалаһында үткән “Купец-2.0” йәрминкәһендә лә юғары баһаланды. Бынан тыш сентябрь айында улар Ҡытайҙың Суйфэнхэ ҡалаһында үткән Х Халыҡ-ара йәрминкәлә лә ҡатнашҡайны.
- Рәсәйҙән тап Ғафури балының бөтә донъя кимәлендә танылыу яулауы тотош районыбыҙ умартасылар өсөн баһалап бөткөһөҙ әһәмиәткә эйә,- ти “За Рус” ЯСЙ-е етәксеһе, умартасы Руслан Зәйнетдинов.- Күргәҙмәлә ҡатнашыусылар Ғафури балын тәмләп, юғары баһа бирҙеләр һәм артабан эшлекле бәйләнештәр булдырыу тураһында беҙҙең рәсми вәкил менән һөйләшеүҙәр алып барыла.
Уларға уңыштар теләргә генә ҡала.
Мәрхәбә Собханғолова.
Ғафури балы - Үҙәк Азияла
