Радий Хәбиров дәүләт наградалары тапшырҙы

Бүләкләнеүселәр араһында “Красноусол” шифаханаһы акционерҙар йәмғиәтенең дауалау-диагностика комплексы начальнигы, медицина фәндәре докторы, халыҡ-ара экология, кеше һәм тәбиғәт хәүефһеҙлеге фәндәре академияһы академигы Людмила Михайловна Бәҙретдиноваға ла бар. Уға “Рәсәй Федерацияһының атҡаҙанған һаулыҡ һаҡлау хеҙмәткәре” тигән маҡтаулы исем бирелде.

Уның профессиональ эшмәкәрлеге кешеләргә хеҙмәт итеүҙең һәм ватан һаулыҡ һаҡлауын үҫтереүҙең сағыу миҫалы булып тора. Эшләгән йылдарында 112 ғилми хеҙмәт, шул иҫәптән биш монография, дүрт методик тәҡдимдәр һәм дүрт уҡыу-методик әсбап баҫтырып сығарған, уйлап табыуға Рәсәй Федерацияһының ике патент алынған.

Тап уның энергияһы һәм инициативаһы арҡаһында пациенттарҙы реабилитациялау һәм тергеҙеү медицинаһының яңы методикалары индерелә, “Янғантау”, “Йәшел сауҡалыҡ”, “Ҡарағай” шифаханаларында тәбиғи дауалау факторҙарының йоғонтоһо механизмдары тикшерелә. Людмила Михайловна  минераль һыуҙарҙың һәм ләмдәрҙең микробиологик һәм физик-химик үҙенсәлектәрен өйрәнеү өсөн алдынғы лаборатория технологияларын ҡулланып уникаль программалар әҙерләгән.

Уның етәкселегендә «Красноусол» шифаханаһының дауалау-диагностика комплексында яңы диагностика тикшеренеүҙәренең һәм физиотерапия процедураларының 22 төрө индерелә һәм уңышлы эшләй. Был күрһәтелгән медицина хеҙмәттәре сифатын арттырырға һәм төбәк учреждениелары араһында шифаханабыҙҙың лидерлыҡ позицияһын нығытырға мөмкинлек бирҙе.

Бөгөн ул «Красноусольск» шифаханаһының бөтә медицина базаһы менән етәкселек итә, уны әүҙем үҫтерә һәм диагностика һәм терапияның заманса ысулдарын индерә.

Людмила Бәҙретдинованы ихлас күңелдән ҡотлайбыҙ, артабан да профессиональ үҫеш һәм Рәсәй һаулыҡ һаҡлау мәнфәғәтендә сағыу еңеүҙәр теләйбеҙ!