+28 °С
Облачно
Яңылыҡтар
27 Февраля , 10:25
Мутлашыусыларҙан һаҡ булығыҙ!
Башҡортостан Республикаһы буйынса Эске эштәр министрлығы мутлашыусыларҙың яңынан яңы ысулдар ҡулланыуы хаҡында иҫкәртә.
Мутлашыусылар үҙен кем тип танытҡан һәм күпме урлаған:
→ «Элемтә операторы» Өфөләге 54 йәшлек ҡатынды алдаған - ул 100 мең һумын юғалтҡан.
→ «Инвестиция брокеры» Стәрлетамаҡта йәшәгән 30 йәшлек кешенең 1,5 миллион һум аҡсаһын күсерткән.
→ Ошондай уҡ схема Мәләүез районында йәшәгән 47 йәшлек кешегә зыян килтергән – ул шулай уҡ 1,5 миллион һумын юғалтҡан.
→ «Социаль фонд хеҙмәткәре» Яңауылда йәшәгән 54 йәшлек ҡатынды 400 мең һум аҡса күсерергә күндергән.
→ Миәкә районынан 73 йәшлек пенсионерҙы «Именлек хеҙмәте һәм Роскомнадзор хеҙмәткәрҙәре» алдаған – 700 мең һумға.
Һаҡ булығыҙ! Шикле һылтанмалар буйынса үтмәгеҙ, СМС-хәбәр булараҡ килгән кодтарҙы хәбәр итмәгеҙ, «тиҙ эш хаҡы» тәҡдимдәрен иғтибарға алмағыҙ һәм бер ҡасан да ят кешеләргә аҡса күсермәгеҙ.
