Красноусол балалар шифаханаһы эшмәкәрлеген камиллаштырырға

Төп доклад менән Башҡортостан Республикаһы Хөкүмәте Премьер-министры урынбаҫары - Ер һәм мөлкәт мөнәсәбәттәре министры Наталья Юрьевна Полянская сығыш яһап, төбәк шифаханаларының финанс күрһәткестәренең артыуын билдәләне.
Терәк-хәрәкәт аппараты ауырыуҙарын, ашҡаҙан-эсәк юлы һәм тире ауырыуҙарын иҫкәртеүгә һәм дауалауға махсуслашҡан Красноусол балалар шифаханаһын яңыртыу кәрәклеге хаҡында республиканың һаулыҡ һаҡлау министры Айрат Рәзиф улы Рәхмәтуллин һөйләне.
“Красноусол” шифаханаһы генераль директоры Рәмил Рафаил улы Бәҙретдинов шифаханабыҙҙың ағымдағы эш һөҙөмтәләре тураһында доклад менән сығыш яһаны, үткән осорҙағы эшмәкәрлектең төп күрһәткестәрен һәм үҫеш пландарын билдәләне.
Кәңәшмә йомғаҡтары буйынса Радий Фәрит улы Наталья Юрьевнаға, Айрат Рәзиф улына һәм Рәмил Рафаил улына балалар шифаханаһы эшмәкәрлеген камиллаштырыу буйынса тәҡдимдәр әҙерләргә ҡушты.