+19 °С
Ясно
Яңылыҡтар
19 Сентября , 09:00
Һайлау әүҙем бара
Һайлау участкаларында бөгөн дә йәнлелек: кемдер килә, кемдер сыға. Красноусол ауылындағы район мәҙәниәт һарайында урынлашҡан 1666-сы һайлау участкаһында һайлаусылар бик әүҙем. Участка комиссияһы рәйесе Лилиә Ғөбәйҙуллина, секретары Ирина Вафина һәм ағзалары һәр кемде асыҡ йөҙ менән ҡаршы алып, оҙатып ҡала. Комиссия ағзаһы Рәшит Сөләймәнов әйтеүенсә, һайлауға килә алмағандарға үҙҙәре барып, тауыш бирҙергәндәр. Был участкала йәмғеһе меңдән артыҡ кеше тауыш бирә ала.
Һайлау әүҙем бара
Ошо участкала тауыш биреүсе ағинәйҙәр милли кейемдә үҙ тауыштарын бирергә килгәндәр. Уларға башҡортса һайлау бюллетендары биргәндәр. Милли рухлы ағинәйҙәребеҙ башҡаларға ла күтәренке кәйеф бүләк иткән.
- Үҙ тауышыбыҙҙы бирҙек, донъялар тыныс булып, дуҫлыҡта, бәрәкәттә, берҙәм булып йәшәргә булһын, Алла бирһә, - ти улар.
Һайлау әүҙем бара
