+28 °С
Болотло
Еңеүгә - 80 йыл
7 Май 2025, 12:15
Ғафуриҙар “Еңеү утын һаҡлайбыҙ” Бөтә Рәсәй акцияһына ҡушылды
7 майҙа Красноусолдағы Мәжит Ғафури майҙанындағы Билдәһеҙ һалдат һәйкәле алдында “Еңеү утын һаҡлайбыҙ” Бөтә Рәсәй акцияһы сиктәрендә митинг уҙғарылды. Унда район хакимиәте башлығы Венер Вахитов, Башҡортостан Республикаһы Дәүләт Йыйылышы – Ҡоролтай депутаты, “Красноусол” шифаханаһының генераль директоры Рәмил Бәҙретдинов, Салауат ҡалаһындағы "Газпром газ бүлеү Өфө" асыҡ акционерҙар йәмғиәте филиалы директоры Сергей Маркелов, Ғафури газ хеҙмәте начальнигы Рөстәм Ғөбәйҙуллин, “Батыр” эҙәрмәндәр отряды, мәктәп уҡыусылары, предприятие-ойошма хеҙмәткәрҙәре һәм башҡалар ҡатнашты.
Ғафуриҙар “Еңеү утын һаҡлайбыҙ” Бөтә Рәсәй акцияһына ҡушылды
“Еңеү утын һаҡлайбыҙ” акцияһын “Газпром” Президент Владимир Путиндың ҡушыуы буйынса үткәрә. Быйыл Рәсәйҙең төрлө мөйөштәрендә бөтәһе 130-ҙан ашыу мемориал селтәрле тәбиғи газға тоташтырыласаҡ. Шуның 80-е 9 май - Бөйөк Еңеү байрамы алдынан ҡабыҙылған.
- Быуаттар буйына Еңеү утын һаҡлау, Ватаныбыҙҙы һаҡлаған ата-бабаларыбыҙҙы иҫкә алыу, балаларыбыҙҙа, ейән-ейәнсәрҙәребеҙҙә Ватанға һөйөү тәрбиәләү изге бурысыбыҙ. Барығыҙҙы ла Бөйөк Еңеү байрамы менән ҡотлайым, - тине үҙ сығышында район хакимиәте башлығы Венер Фәнир улы.
Мәңгелек ут айырыуса әһәмиәткә эйә. Был хәтер һәм ихтирам, Еңеү символы булып тора.
Тулыраҡ – гәзитебеҙҙең киләһе һанында уҡырһығыҙ.
Ғафуриҙар “Еңеү утын һаҡлайбыҙ” Бөтә Рәсәй акцияһына ҡушылды
