Мостай Кәримдең тыуыуына 105 йыл тулыу хөрмәтенә

Исемдәрең халыҡ күңелендә Нимә яҙыр инең, Мостай ағай бөгөн, Илең, халҡың, телең турында. Яҙыр инең, эй тураһын әйтеп, Нейҙәр ҡайнағанын уйыңда. Бирер инең төплө итеп кәңәш, Үҫеп килгән йәп-йәш быуынға, Өлкәндәр ҙә һинең ижад аша Маҡсат ҡуйыр ине юлына! Күрер инең, илең сәскә ата бөгөн, Ауылдарҙа тормош йәнләнә Тик, балалар һаны ҡырҡа кәмей, Күҙгә күренеп халыҡ әҙәйә... Буп-буш өйҙәр, урам, баҡсалар буш, Ҡапҡалар ҙа эстән йоҙаҡлы. Бер-беренән халыҡ ныҡ ситләшә, Күңелдәр ҙә, хатта тоҙаҡлы... Ҡапҡа тышындағы эскәмиәләр Әллә ҡасан эҙен юғалтты, Ҡарт-ҡоралар, бала-саға Интернетҡа ҡарай юл алды. Йәп-йәш егеттәр, һөлөк кеүек ирҙәр, Яу ҡырына китеп юғала. Илен яҡлап, азатлыҡты һаҡлап, Сит-ят ерҙә баштарын һала. Телең йәшәй, шөкөр, ныҡ үҫешә Ихтибар ҙа, телгә көсәйә. Бары донъялар ғына имен-аман булһын, Яҡшы шарттар тыуҙы кешегә... Исемең йәшәй халҡың күңелендә Ҡәләмдәштәрең, дуҫтар һағына, Һинең хаҡта иҫтәлектәр яҙа, Өлгө итеп ҡуйып барына. "Үлмәҫбай"ың бөгөн тағы "ут'" эсендә Дошман менән яуҙа алыша. Драмаларың сәхнә күген биҙәй, Образдарың көслө алҡышта! Һин йәшәйһең әле, юҡ үлмәнең, Һин һаман да беҙҙең арала Аҡыл-аңың, сабыр-тыныс холҡоң Ҡиммәтәрҙән ҡиммәт һанала! Тыныс йоҡла, әҙип, хафаланма, Исемдәрең алтын хәрефтә. Ижад емештәрең бәҫе тағы артыр, Күтәрелер бейек, бейеккә! Рима РАФИҠОВА.

Мостай Кәримдең тыуыуына 105 йыл тулыу хөрмәтенә