Лайыҡлы сығыш яһанылар

Командалар Ауырғазы, Архангел, Ғафури һәм Ҡырмыҫҡалы райондарынан килгәйне. Был сара бөтә ҡатнашыусылар һәм тамашасылар өсөн ысын байрамға әйләнде, сөнки ул физик әҙерлекте тикшереп кенә ҡалмай, ә йәштәр араһында команда рухын, лидерлыҡ сифаттарын нығыта һәм патриотизмды үҫтерә.
Һыуыҡ булыуға ҡарамаҫтан, ярыш дуҫтарса йылы мөхиттә үтеп, унда һәр команда үҙенең иң яҡшы һөҙөмтәләрен күрһәтергә тырышты. Уйын барышында студенттар төрлө һынауҙарҙа, шул иҫәптән спорт эстафетаһында, медицина ярҙамы күрһәтеүҙә, автоматты йыйып-һүтеүҙә һәм атыуҙа үҙҙәренең маһирлығын күрһәтте.
Беҙҙең команда лайыҡлы сығыш яһаны һәм икенсе урын алыуға өлгәште. Бындай еңел булмаған ярышта үҙ оҫталығыбыҙҙы һәм берҙәмлегебеҙҙе күрһәтә алыуыбыҙ менән ғорурланабыҙ. Автоматты йыйыу һәм һүтеү буйынса беренсе урынды яулаған София Сливочкинаның ҡаҙанышы айырыуса маҡтауға лайыҡ.
Ойоштороусыларға әҙерлекле, яҡшы үткәрелгән сара һәм бөтә ҡатнашыусыларға ныҡышмалылыҡтары һәм еңеүгә ынтылыштары өсөн рәхмәт белдерәбеҙ. “Зарница” йәштәр өсөн үҙҙәрен күрһәтеү, яңы таныштар булдырыу һәм патриотик тойғоларҙы нығытыу өсөн бик яҡшы мөмкинлек булып тора.
Надежда МОНАСИПОВА,
Красноусол колледжы етәксеһенең
тәрбиә эштәре буйынса урынбаҫары.