Ғафури шахматсылары – республика чемпиондары

Даниил Никифоров, мәҫәлән, үҫмерҙәр араһында тиҙ шахмат һәм блиц буйынса иң яҡшы һөҙөмтәләр күрһәтте. Тиҙ шахмат буйынса “А” турнирында ул  мөмкин булған 9 очконан 8,5-те йыйҙы.

Наталья Проценко иһә  ҡатын-ҡыҙҙар араһында блицта -икенсе, ә тиҙ шахмат буйынса 3-се урын яуланы. Ә Азалия Миргалиева менән Дарья Проценко  үҙҙәрәнең йәш төркөмөндә саҡ ҡына ҡалышып, дүртенсе урын алды.

Шахматсыларҙың сираттағы  уңышы- көсөргәнешле хеҙмәт, даими шөғөлләнеү һәм ныҡышмалылыҡ һөҙөмтәһе. Ә һәр еңеү артында - көндәлек эш, ата-әсәләрҙең ярҙамы һәм, әлбиттә, тренерҙың оҫталығы һәм  шахматсыларҙың еңеүгә ынтылышы, ихтыяр көсө.

Уларҙы  сираттағы еңеүҙәре менән ҡотлап, артабан да  яңы еңеүҙәр, ҡаҙаныштыр теләйбеҙ.

М. Мәмәтҡолова.