Табип әйтеүенсә, тәбиғи иммунитет вирусты тиҙерәк һиҙеп ҡала, әммә ул үҙе тап булған штамдан ғына һаҡлай. Йәғни кеше бер төрлө штамм менән ауы-
рып алған икән, икенсе төрлөһөн дә еңел генә йоҡтора ала.
“Вакцина иһә иммунитетты вирустар өсөн дөйөм булған бөтә урындарҙы ла һаҡларға өйрәтерлек итеп ҡоролған. Шуға ла прививка яңы типтағы коронавирус-тан күпкә һөҙөмтәлерәк яҡлау булдыра”, - тигән Ненастина “РИА Новости” агентлығына.
Тағы ла бер айырма шунда: прививканан һуң антиесемдәр ауырығандан һуң була торғандан күпкә юғарыраҡ. Эпидемиолог әйтеүенсә, ауырыуҙан йонсоған тән бик күп антиесем эшләп сығара алмаҫҡа ла мөмкин, ә прививканан һуң антиесемдәр кимәле, ауырыу үткәргәндәрҙәгегә ҡарағанда, хатта ярты йыл буйы юғарыраҡ тора, ти ул.
Тағы ла бер өҫтөнлөк – тәндең вакцинаға реакцияһын алдан күҙаллап һәм күҙәтеп барырға мөмкин, ә бына ауырыуҙың кемдә нисек үтерен алдан әйтеүе үтә ҡыйын.