+17 °С
Болотло
Тап ошо көнгә “Таҙа яр” экологик акцияһы иғлан ителгәйне. Красноусол ауыл биләмәһенең төҙөкләндереү буйынса инженеры Игорь Александрович Ступников әйтеүенсә, экологик акцияға ике тиҫтәнән ашыу кеше ҡушылып, Красноусолдағы Полянский быуаһы, Көгөш (Усолка) һәм Төлкәҫ йылғаһы ярҙарын сүп-сарҙан таҙартыуға күп көс һалды. Элекке быяла заводы янындағы Көгөш йылғаһы аша һалынған күпер йәнәшәһендә эшләүселәр сүп-сар йыйып ҡына ҡалманы, ҡороған ағастарҙы бысты, тирә-яҡтағы үләнде сапты.