Геологтар Башҡортостанда йыйыласаҡ

Чемпионат Башҡортостан Башлығы Радий Хәбиров һәм Ер аҫты байлыҡтарын файҙаланыу буйынса федераль агентлыҡ етәкселеге башланғысы менән уҙғарыла.

- Геолог һөнәре-иң мөһимдәрҙең береһе, сөнки Рәсәй - ҙур ҡаҙылма байлыҡтары булған ҙур ил. Геологик тикшеренеүҙәрҙең бик күп булыуы аңлашыла, әммә беҙ алда Башҡортостанда ғына түгел, тотош Рәсәй Федерацияһында ла күп асыштар көтөүен теүәл аңлайбыҙ. Беҙҙең бурыс  - йәштәргә бер-береһе менән танышыу өсөн уңайлы шарттар булдырыу. Бында билдәле бер конкурстар, ниндәйҙер ярыштар барыуы аңлашыла, әммә дөйөм алғанда геологик берләшмә йыйыла. Был егеттәр, был ҡыҙҙар 20 йылдан илебеҙҙең геологик сәйәсәтен дә билдәләйәсәк», – тип билдәләй Башҡортостан Башлығы Радий Хәбиров.

«Геовызов» тың эксперттары һәм остаздары булып Роснедр һәм ведомство ҡарамағындағы ойошмаларҙың, ер аҫты байлыҡтарын файҙаланыусы компанияларҙың, профилле уҡыу йорттарының, Рәсәй фәндәр Академияһы Өфө федераль тикшеренеү үҙәгенең геология институтының алдынғы геологтары сығыш яһаясаҡ.

Чемпионатта Рәсәйҙең 15 субъектынан, шул иҫәптән яңы төбәктәрҙән, шулай уҡ 10 сит илдән: Ҡытай, ЮАР, Мозамбик, Зимбабве, Эфиопия, Гвинея, Грузия, Гана, Үзбәкстан, Ҡаҙағстандан юғары һәм урта махсус уҡыу йорттары студенттары ҡатнашасаҡ.

Башҡортостанға Воронеж, Красный Луч, Владивосток, Грозный, Ҡазан, Октябрьский, Миәс, Мәскәү, Новосибирск, Һамар, Санкт-Петербург, Ставрополь, Төмән, Өфө һәм Якутия командалары килә. Һәр командала куратор менән бергә ете кеше. Бөтәһе 250-гә яҡын ҡатнашыусы килеүе көтөлә. Чемпионат барышында студенттар 11 төп этап буйынса ярышасаҡ. Программала шулай уҡ мәҙәни һәм спорт саралары, экскурсиялар, геологик семинарҙар һәм оҫталыҡ дәрестәре ҡаралған.

Чемпионат йомғаҡтары буйынса призерҙар һәм еңеүселәр билдәләнәсәк, ҡатнашыусылар тармаҡтың алдынғы эксперттары менән осрашасаҡ, уникаль тәжрибә аласаҡ һәм ҙур ер аҫты компанияларында производство практикаһын үтеү мөмкинлеге аласаҡ.

– Беҙҙә «ГеоВызов» I халыҡ – ара геология чемпионатын үткәреү тәжрибәһе бар, быйыл чемпионатты юғары профессиональ кимәлдә үткәреү бурысыбыҙ, - тип хәбәр итә Башҡортостан республикаһының тәбиғәттән файҙаланыу һәм экология министры Нияз Фазылов. 

Белешмә: Башҡортостанда «ГеоВызов» беренсе геологик чемпионаты 2023 йылдың сентябрендә үтте. Ҡатнашыусыларҙың үтенесе буйынса  II чемпионатты ла бында үткәрергә ҡарар ителә. 2023 йылда ГеоВызов беренсе чемпионатында илдең һәм Ҡаҙағстандың 13 төбәгенән 120-нән ашыу юғары һәм урта махсус уҡыу йорттары студенты ҡатнашты. Алты көн эсендә улар 11 төр ярышты, алты камераль һәм биш ялан ярыштарын уңышлы үтә.