"Рәхмәт" акцияһының тәүге еңеүселәре билдәле булды

Был сәғәткә республикала тәүге 30 еңеүсе билдәле. Уйын һөҙөмтәләре акцияның сайтында, шулай уҡ социаль селтәрҙәрҙә баҫылған.

"Хәҙер беҙҙең колл-үҙәк еңеүселәр менән бәйләнешкә инә һәм уларға бүләк алыуҙың ҡасан һәм ҡайҙа уңайлыраҡ булыуын асыҡлай. Процесс бара", - тине Римма Бикмурзина.

Ул «Рәхмәт-2024» акцияһы буйынса ҡыҙыҡһындырған һорауҙарҙы бирергә мөмкин булған колл-үҙәк номерын иҫкә төшөрҙө — 8-927 - 333-45-22.

Башинформ алдан хәбәр иткәнсә, Башҡортостан һайлаусылары араһында был юлы 330-ҙан ашыу ҡиммәтле приз уйнатыла. QR-«Рәхмәт-2024» проекты партнерҙарынан ташламаға хоҡуҡ биргән QR-билеттар һәм беләҙектәр һайлау участкаларында ирекмәндәр тарафынан тапшырыла.

Һәр ғаилә ағзаһына, шул иҫәптән балаларға, улар һигеҙ символдан торған уникаль кодлы QR-билет бирә, уны рахмат102.рф сайтында теркәргә кәрәк. Хәтерегеҙгә төшөрәбеҙ, уйнатыу ваҡыты: 6 сентябрҙә — 14 һәм 20 сәғәттә; 7 сентябрҙә — 14 һәм 20 сәғәттә; 8 сентябрҙә — 14 сәғәттә. Йәкшәмбе, 8 сентябрҙә, тәүге тапҡыр «Приздар төнө» үткәрелә, унда 130-ға яҡын төрлө приз уйнатыла.