Ғафури районында республика Башлығын һайлауҙың икенсе көнө башланды

Ғәҙәттәгесә, оло йәштәгеләр, инвалидтар, ауыр сирле кешеләр, уларҙы ҡараусылар һәм башҡа сәбәптәре булған кешеләр өйҙә тауыш бирә ала. Бының өсөн участка һайлау комиссияһына уның эшләгән көндәрендә, шул иҫәптән тауыш биреү көнөндә 14.00 сәғәткә тиклем мөрәжәғәт итергә кәрәк.

Һайлау кампанияһы осоронда ҡыҙыу линия телефоны эшләй: 8-800-347-54-54.

Әйткәндәй, Башҡортостан һайлаусылары араһында «Рәхмәт» акцияһы ойошторола, 330-ҙан ашыу ҡиммәтле бүләк, шул иҫәптән фатирҙар, автомобилдәр һәм шифаханаларға юлламалар уйнатыла. Һәр ғаилә ағзаһына, шул иҫәптән балаларға, улар һигеҙ символдан торған уникаль кодлы QR-билет бирә, уны рахмат102.рф сайтында теркәргә кәрәк. Хәтерегеҙгә төшөрәбеҙ, уйнатыу ваҡыты: 7 сентябрҙә — 14 һәм 20 сәғәттә; 8 сентябрҙә — 14 сәғәттә. Йәкшәмбе, 8 сентябрҙә, тәүге тапҡыр «Приздар төнө» үткәрелә, унда 130-ға яҡын төрлө приз уйнатыла.

Һайлау иртәгә тамамланасаҡ. Төбәк Башлығын һайлауҙа ҡатнашыу - Башҡортостандың киләсәген билдәләүсе мөһим аҙым. Һайлауҙан ситтә ҡалмағыҙ!